Хорхе Масвидаль Хабиб Нурмагомедов борасида қандай фикр билдирди?
Ads

UFC жангчиси Хорхе Масвидалнинг айтишича, вазн тоифасидаги чемпион Камару Усмон у билан жанг қилишдан бош тортган. Хорхе Усмоннинг курашга асосланган жанг услубини танқид қилди ва шу билан бирга UFC нинг енгил вазн тоифасидаги чемпиони Хабиб Нурмагомедовга хурмат кўрсатди.

"Менга бир нечта исмлар беришди, улар орасида Усмон ҳам бор эди. Мен Камару билан жанг қилишга рози бўлдим. У эса рад қилди.Кейин UFC ундан камарни тортиб олиш борасида чора қўллашини билдирди. Бироздан кейин у қўнғироқ қилди ва жангга рози эканлигини айтди. Лекин аллақачон кеч бўлган эди. Биз жанг қилмоқчи бўлган йигитни топдик. Хуллас,2-ноябр куни  Найт Диаз билан жанг қиладиган бўлдик.
Сизнингча, Усмон нега рад этди? У менинг ғалаба қозонишимни билади. У ҳеч қачон мен билан уришмоқчи эмасди. У жанг қила олмайди.У зарбаларни йўллашни истамайди. Хатто бундай имконият бўлса ҳам.  Рақиби “партер”га тушиб қолганда,ҳам ҳеч нарса қила олмайди. Мен курашчиларни ҳурмат қилмайман демайман. Хабиб каби жангчиларни жуда ҳурмат қиламан, чунки у муддатидан олдин ғалаба қозонишга ҳаракат қилмоқда, зарбалар бериб, ўзи ҳам шундай зарбаларни қабул қилмоқда. Aммо Усмон ... Мен унинг услубини хурмат қилмайман ",-дея Масвидалнинг сўзларидан иқтибос келтирди “Bloody Elbow”.

Минбар

Барча блоглар