Хулиан Альварес "Реал" ва "Барселона" орасида танлов қилди

Европа трансфер бозорида навбатдаги шов-шувли мавзу – "Атлетико" ҳужумчиси Хулиан Альварес атрофида давом этмоқда. Аввалроқ Испания матбуоти "Реал" форвардни "Барселона" қўлидан тортиб олиш ниятида эканини хабар қилганди. Манбаларга кўра, мадридликлар 150 миллион евро тўлашга тайёр, бу эса "Барселона" таклиф этган суммадан 50 миллион евро кўп.

Шу фонда инсайдер Жанлуиджи Лонгари футболчининг шахсий позициясини очиқлади. Унинг маълумот беришича, бошқа клублардан жиддий қизиқиш бўлишига қарамай, Альварес учун ҳозирча энг устувор вариант – айнан "Барселона"га ўтиш бўлиб қолмоқда.

Эслатиб ўтамиз, "Атлетико" Хулиан Альваресни яқинда "Манчестер Сити"дан сотиб олган эди. Transfermarkt маълумотларига кўра, ушбу трансфер 75 миллион евро эвазига амалга оширилган.