Ямал “Барса”нинг 91 йиллик рекордини янгилади

“Барселона” ҳужумкор футболчиси Ламин Ямал каталонияликлар сафида 50 ва ундан ортиқ гол урган энг ёш футболчига айланди. Бу Испания Ла Лигасининг 3-турида “Райо Вальекано” устидан 5:2 ҳисобидаги йирик ғалаба билан якунланган учрашувда содир бўлди.

Ўйинда дубль қайд этган Ламин каталонияликларнинг машҳур ҳужумчиси Хосеп Эсколага тегишли бўлган ва 91 йил давомида сақланиб келган рекордни янгилади.

Эскола 1935 йилда 20 ёш 356 кунлигида “Барселона” сафида 50-голини урган эди. Шундан бери ушбу натижага энг яқин келган футболчи аргентиналик Лионель Месси бўлган — у 50-голдан иборат маррани 21 ёш 120 кунлигида забт этган.

Ламин Ямал эса рекордни ўрнатган пайтда 19 ёш 49 кунлик эди.

Испания чемпионатидаги учта учрашувдан сўнг “Барселона” 9 очко тўплади ва турнир жадвалида биринчи ўринни эгаллаб турибди.