Ямал "Барселона"да Нико билан бирга ўйнамоқчи

Айни дамда Испания терма жамоаси такрибида "Евро-2024" турнирида иштирок этаётган "Барселона" клуби ярим ҳимоячиси Ламин Ямал Нико Уильямснинг жамоага олиб келиниши ҳақида гапирди.

"Биз у билан терма жамоа базасида тезда тил топиша олдик. У билан тандемда ажойиб ўйинлар намойиш этяпмиз. Бир-биримизни тушуниш қийин бўлмади. Унинг техникаси, дриблинги ва тезлиги унча-мунча ҳимоячиларни шошилтириб қўяди.

Унинг "Барселона"га келиши ҳақида гапирадиган бўлсам, мен қарши эмасман. У билан бирга битта жамоада ўйнаш бу шунчаки ажойиб. Ўйлайманки, у "Барселона"га ёрдам бера олади", - деди Ямал.

Эслатиб ўтамиз, айни кунларда "Барселона" "Атлетик" вингерини нишонга олгани маълум бўлганди.