Ямал бош мураббий Фликка қарши чиқди

“Барселона”нинг 18 ёшли юлдузи Ламин Ямал Ла Лиганинг 3-туридан кейин жамоа бош мураббийи Ханс-Дитер Флик билдирган фикрларга қарши чиқди.

"Райо Вальекано"га қарши ўйин 1:1 ҳисобида дуранг билан тугаганидан сўнг, германиялик мутахассис ўйинчиларнинг худбинлиги ғалаба қозонишга йўл қўймаганини таъкидлаган эди.

- Ҳисобнинг худбинлик билан ҳеч қандай алоқаси йўқ, деб ўйлайман. Шунчаки, ўйинимиз қовушмади. Учрашувни бошида талаб даражасида ҳаракат қила олмадик ва диққатимизни жамлай олганимиз йўқ.

Флик кўп хато қилганимиз ва яхшироқ ўйнашимиз кераклигини ҳақида тўғри гапирди. Аммо биз жуда қийин учрашувларда тўққиз имкониятдан етти очко жамғара олганимизга эса, ҳеч ким эътибор бергани йўқ. Биз ҳали ўз уйимизда ўйнаганимиз йўқ, фақат сафарда тўп тепяпмиз, - деди Ламин Ямал.