Ямал: "Муҳим дақиқаларда масъулиятни ўз зиммамга олишни хоҳлайман"

Ламин Ямал 10-рақамда ҳаракат қилиш масъулияти ҳақида гапирди.

"Барселона" ҳужумчиси жорий мавсумдан бошлаб ўнинчи рақам остида ўйнамоқда. Илгари бу рақам асосий таркибда деярли иштирок этмаган Ансу Фатига тегишли эди. Ёзда 22 ёшли футболчи "Монако"га ўтгач, унинг рақами Ямалга насиб этди.

- Орқадаги ўнлик ҳар доим алоҳида масъулият билан боғлиқ бўлган. Бу менга ёқади, муҳим дақиқаларда масъулиятни ўз зиммамга олишни хоҳлайман, - деди 18 ёшли футболчи испан ОАВга берган интервьюсида.

Ламин Ямал Ла Лиганинг янги мавсумидаги учта ўйинда иккита гол урди ва иккита голли узатмани амалга оширди.