Ямал "Реал"га ўтган Кукурельяга таҳдид қилди

«Барселона»нинг ёш вингери Ламин Ямал Испания терма жамоасидаги жамоадоши, яқинда «Реал Мадрид» сафига қўшилган Марк Кукурелья билан бўладиган келгуси тўқнашув ҳақида фикр билдирди.

Маълумотларга кўра, чап қанот ҳимоячиси ёз бошидаёқ «қироллик клуби» билан яширин тарзда келишувга эришган. 27 ёшли футболчининг «Челси»дан Мадрид жамоасига ўтиши ҳақидаги расмий эълон жаҳон чемпионати старт олганидан кўп ўтмай берилди.

«Мен Кукурельяга айтдим: у биринчи “эл класико”да асосий таркибда майдонга тушади, лекин иккинчисида эмас, чунки мен уни тириклай еб қўяман», – дея Ямалнинг сўзларини The Touchline нашри келтиради.

Марк Кукурельянинг «Реал»га трансфери бонуслар билан бирга 60 миллион евро атрофида баҳоланмоқда. Испаниялик футболчи фаолиятини «Барселона» тизимида бошлаган, аммо у ерда асосий жамоага мустаҳкам жой эгаллай олмаган эди.