Ямал тарихий рекорд ўрнатди

“Барселона” ҳужумкор футболчиси Ламин Ямал Испания чемпионатининг 31-турида “Эспаньол”га қарши ўйинда асосий таркибда майдонга тушди.

Opta маълумотига кўра, бу учрашув испан футболчиси учун Ла Лига доирасидаги 100-ўйин бўлди.

Шу тариқа, 18 ёш 272 кунлигида Ямал Испания чемпионатида 100 та ўйин ўтказган энг ёш футболчига айланди.

Бундан аввал бу натижа “Реал”нинг собиқ ҳужумчиси Рауль Гонсалесга тегишли бўлиб, у  19 ёш 284 кунлигида чемпионатда 100 марта майдонга тушган эди.

Ламин Ямал «Барселона» тарбияланувчиси ҳисобланади. Унинг каталонияликлар билан шартномаси 2031 йил 30 июнгача мўлжалланган.

Жорий мавсумда ҳужумчи барча мусобақаларда 42 та ўйин ўтказиб, 21 та гол урган ва 16 та голли узатма берган.