Ямайка терма жамоаси тарихидаги энг яхши тўпурар 35 ёшида вафот этди

Собиқ футболчи Лутон Шелтон 35 ёшида вафот этди. Бу ҳақда ФИФА расмий сайти хабар бермоқда.

Ямайкалик футболчи 2018 йилдан буён латерал амиотрофик склероз билан курашиб келаётган эди. Ўз вақтида айнан мана шу касаллик сабаб, "Зенит"нинг собиқ ярим ҳимоячиси Фернандо Рихен ҳам оламдан ўтган эди.

Таъкидлаш керакки, Шелтон Ямайка терма жамоаси тарихидаги энг яхши тўпурар ҳисобланади. У 75 та ўйинда майдонга тушиб, рақиблари дарвозасига 35 та гол урган.

Лутон Шелтон фаолияти давомида "Хельсингборг", "Волеренга", "Ольборг", "Шеффилд Юнайтед", "Карабюкспор" ҳамда "Волга" клубларида тўп сурган.

Матнда хатолик топсангиз, ўша хатони белгилаб, бизга жўнатинг (Ctrl + Enter)