"Янги Ван Дейк" “Барселона”ни тарк этди

Хавьер Мбуямба “Ла Масия”даги 1 йиллик фаолиятидан сўнг, “Челси”га ўтиши кутилмоқда. Ўз навбатида, Лэмпард ҳам уни ўз жамоасида кўришга қарши эмас. Ўтган мавсум лондонликлар уни сотиб олишга яқин келган. Бироқ трансфер таъқиқи туфайли бу келишув амалга ошмай қолган эди.

“Аристократлар”дан ташқари “Ювентус”, “Бавария”, “Селтик” клублари ҳам ёш фулбекни сотиб олишга уринмоқда. Маълумот учун, 18 ёшли нидерландиялик ҳимоячи “Маастрихт” клуби академияси тарбияланувчиси ҳисобланади ва у 2019 йилда “Барселона” клубига келиб қўшилган эди.