Ё ҳаёт ё мамот! Бугун Шомуродов жамоаси А Серияда қолиш учун курашади

Бугун Италия А Сериясида қолиш учун "Специя" ва "Верона" куч синашади. Чемпионат якуниига кўра,  жамоаларнинг очколари тенг келиб қолди. Лиганинг янги регламентига кўра, иккала клуб ҳам тенг миқдордаги очко жамғаргани учун "Олтин ўйин" ўтказилади. 

Ўйинда ғолиб бўлган жамоа А Серияда қолади, мағлуб эса "Б" Серияга йўл олади. Учрашув Тошкент вақти билан 23:45да старт олади. 

Эслатиб ўтамиз, Ўзбекистон терма жамоаси сардори Элдор Шомуродов мазкур ўйинда қатнашиш учун термамизнинг Уммонга қарши баҳсини ўтказиб юборади.