"Манчестер Юнайтед" "РБ Лейпциг" форварди Тимо Вернер учун курашга қўшилди. Премьер лигадаги жуда ёмон старт, ҳужум чизиғидаги кадрлар муаммоси сабаб қишги трансфер ойнаси вақтида Уле-Гуннар Сульшер 23 ёшли ҳужумчини асосий трансфер мақсадига айлантирди.

Олдинроқ, "қизил иблислар" қишда Марио Манжукич, Мусса Дембеле ёки Златан Ибрагимович номзодларини кўриб чиқмоқчилиги ҳақида хабарлар тарқалган эди.

Бироқ, Daily Mail нашри "Юнайтед" қишда бор диққат эътиборини Вернерга қаратиши ҳақида маҳсус маъқола тайёрлаган. Немис клуб эса ўз навбатида ҳужумчини мавсум якунигача жамоада ушлаб қолиш ниятида.

Бир қатор нашрлар хабарига кўра, Вернер учун "Ливерпуль" ҳам давогарлик қилаётган экан. Ёзда ливерпулликлар ҳам германияликни қўлга киритишга уриниб кўришмоқчи.