«Ювентус» АПЛдан футболчи сотиб олиши мумкин

«Сассуоло» клуби марказий ҳимоячиси Тарик Мухаремович яна «Ювентус» сафида пайдо бўлиши мумкин. Бу ҳақда инсайдер Николо Скира хабар бермоқда.

Манба маълумотларига кўра, Турин клуби 23 ёшли босниялик футболчини қайтариб олиш имкониятини кўриб чиқмоқда. «Ювентус» ўтган йил ёзида Мухаремовични икки миллион евро эвазига сотган, бироқ ҳимоячи ҳуқуқларининг 50 фоизи ҳали ҳам туринликлар қўлида қолгани айтилмоқда.

Аввалроқ Босния ва Герцеговина терма жамоаси аъзосига Англиянинг «Борнмут» клуби 35 миллион евро таклиф қилишга тайёр экани ҳақида хабарлар тарқалган эди. 

Шунингдек, футболчига «Тоттенхэм» жамоаси ҳам жиддий қизиқиш билдиргани қайд этилган.

Италия чемпионатининг ўтган мавсумида Мухаремович 32 та ўйинда майдонга тушиб, икки бор гол урди ва яна икки марта голли пас муаллифига айланди.