“Ювентус” “Челси” юлдузини сотиб олишга тайёр

“Ювентус” клуби Адриен Рабьо билан янги шартнома борасида келиша олмаяпти. Улар французнинг ўрнига бошқа футболчи сотиб олиш ҳақида ўйламоқда. Вариантлар орасида “Челси” футболчиси Мэйсон Маунт ҳам мавжуд, дея хабар бермоқда “Calcimercatoweb” нашри.

Англиялик ярим ҳимоячининг “аристократлар” жамоаси билан амалдаги шартномаси 2024 йилгача амал қилади. Аммо ҳали янги битимга қўл қўйилмаган. “Ювентус” ҳам вазиятни кузатиб бормоқда.

Футболчи ушбу мавсум барча чемпионатларда 30 та ўйинда майдонга тушиб, 3 бор рақиблар дарвозасини ишғол қилди ва 6 марта шерикларининг голига паст берди.