"Ювентус" футболчилари Италия Суперкубоги баҳсида махсус либослардан фойдаланишади

Туриннинг “Ювентус” клуби “Лацио”га қарши бўлиб ўтадиган Италия Суперкубоги учрашувида махсус либосда ҳаракат қилади.

Аниқроғи, ушбу учрашувда “кекса синьора” футболчилари исмлари араб ҳарфларида ёзилган либосларда ўйнашади. Клуб матбуот хизматининг хабар беришича Пауло Дибала, Криштиану Роналду, Маттайс де Лихт, Миралем Пьянич ва Жоржо Кьеллини исмлари ёзилган либослар фақатгина 500 нусхадан чиқарилган.

Эслатиб ўтамиз, “Ювентус” – “Лацио” учрашуви 22 декабрь куни Саудия Арабистонида бўлиб ўтади. Баҳс Тошкент вақти билан соат 21:45 да бошланади.