Ads

"Манчестер Сити" клуби "Ювентус" ҳимоячиси Жоау Канселунинг трансфери бўйича деярли келишувга эришиб бўлди. Бу ҳақда Goal.com нашри хабар тарқатмоқда.

Сўнгги маълумотларга қараганда “шаҳарликлар” 24 ёшли португалиялик футболчи учун “кекса синьора”га 60 млн евро тўлайди.

Қайд этиш лозимки, “Сити” бу борада ҳамшаҳари “Манчестер Юнайтед”ни доғда қолдирди. Боиси, Канселу учун “қизил иблислар” ҳам даъвогарлик қилишаётган эди.

Маълумот учун, Жоау Канселу жорий мавсум “Ювентус” сафида жами 34та ўйинда майдонга тушди ва ўз ҳисобига 1та гол ҳамда 8та голли узатма ёздириб қўйишга эришди.