"Ювентус" Куадрадо билан келишувга эришди

Туриннинг "Ювентус" клуби колумбиялик ярим ҳимоячи Хуан Куадрадо билан шартномани узайтириш бўйича музокараларни деярли якунлаш арафасида турибди.

Tuttosport нашрининг хабар беришича, “кекса синьора” 33 ёшли футболчи билан амалдаги келишувни 2023 йилнинг ёзигача узайтиришга тайёр. Айтиш керакки, томонлар ўртасидаги ҳозирги шартнома 2022 йилнинг ёзига қадар имзоланган.

Куадрадо жорий мавсум "Ювентус" сафида жами 7 та ўйинда майдонга тушди. У ушбу учрашувларда ўз ҳисобига 1 та гол ёздириб қўйишга эришди.