“Ювентус” қиммат футболчисини арзон ҳужумчига алмаштиради

“Ювентус” раҳбарияти “Атлетико”дан ижарага олинган Альваро Моратани жамоада сақлаб қолмоқчи. Испаниялик тўпурар ўз ўйинлари билан аргентиналик Пауло Дибалани асосий таркибдан сиқиб чиқарди.

Туринликлар трансфер суммаси 45 миллион еврога баҳоланаётган ҳужумчини олиб қолиш учун харажат қилмайди. Улар Мадрид клубига уни Дибалага алмаштиришни таклиф қиляпти. Дибала ҳам “Атлетико”ни бошқараётган ҳамюрти Диего Симеоненинг иш услубидан ҳайратда эканини яширмаяпти.

Пауло Дибаланинг трансфер суммаси 80 миллион евро эканини инобатга олиб, туринликлар “Атлетико” хўжайинларини футболчи алмаштиришдан ташқари, нархлардаги тафовут бўйича пул тўлашга ҳам кўндириши керак.