“Ювентус“ сўнгги дақиқалардаги автогол эвазига ғалаба қозонди

Италия кубоги ярим финал доирасидаги “Фиорентина“ - “Ювентус“ баҳси ниҳояси етди. Унда меҳмонлар минимал 1:0 ҳисобида ғалаба қозонди.

Учрашувдаги ягона голни флоренцияликлар вакили Венути ўз дарвозасига жойлаб қўйди. У рақибнинг қанотдан узатиб берилган пасини кутилмаганда дарвозага киритиб юборди.

Шу тариқа, “Ювентус“ ярим финал дастлабки ўйинида муҳим ғалабага эришди. Жавоб учрашуви 20 апрель куни бўлиб ўтади.