Юз эллик миллион евро! Бунча қиммат туришимга ўзим ишонмайман!

«Астон Вилла» клуби ва Англия терма жамоаси ярим ҳимоячиси Морган Рожерс ўзининг трансфер нархи 150 миллион еврога баҳоланаётганига кутилмаган муносабат билди. 

Аввалроқ Бирмингем клуби футболчига шундай нарх белгилагани, унга «Арсенал» томонидан жиддий қизиқиш пайдо бўлгани хабар қилинган эди.

- Ростини айтсам, менинг бунча туришимга ишончим комил эмас. Албатта, одамлардан шундай гапларни эшитиш ёқимли. Лекин мен ташқи гап-сўзларга аҳамият бермасликка ҳаракат қиламан. Мен учун энг муҳими — диққатимни йўқотмаслик ва аслиятимни сақлаб қолиш, — деди Иорган Рожерс BBC  журналистларига берган интерьюсида. 

23 ёшли футболчи ўтган мавсумда 55 та ўйин ўтказиб, 14 та гол урди ва 11 та голли узатма муаллифи бўлди. Унинг «Астон Вилла» билан амалдаги шартномаси 2031 йил ёзигача мўлжалланган. 

Англия терма жамоаси 2026 йилги жаҳон чемпионатида иштирокини давом эттирмоқда ва 1/8 финал босқичида Мексикага қарши ўйинга тайёргарлик кўрмоқда.