Загреб Гран-присида биринчи йўқотиш

Хорватиянинг Загреб шаҳрида дзюдо бўйича Гран-при мусобақаси старт олди. Бугун енгил вазнли спортчилар курашишмоқда.

Бироз аввал -66 килограмм вазн тоифасида икки нафар вакилимиз саралаш доирасида баҳс олиб боришди. Артём Штурбабин биринчи даврада филиппинлик рақибини катта қийинчиликсиз мағлуб этган бўлса, иккинчи даврада тажрибали беларуслик Дмитри Минкоуга имкониятни бой бериб қўйди.

Шунингдек, Муҳраддин Тиловов ҳам илк баҳсини омадли ўтказди. Португалиялик Жоао Крисостомо билан кечган баҳс Тилововнинг ғалабаси билан якунланди. Ҳамюртимиз кейинги даврада тоголик спортчига қарши курашади.