Зидан Алаба ҳақидаги шов-шувга жавоб берди

Яқинда Испаниянинг “Марка” нашри “Бавария”нинг универсал ҳимоячиси Давид Алаба мадридликлар билан тўрт йиллик шартномага имзо чеккани ҳақида хабар тарқатган эди. “Қироллик клуби” бош мураббийи Зинедин Зидан бу хабарга муносабат билдирди.

- Алаба – бошқа клуб футболчиси ва у жамоанинг мураббий мен эмасман. Мен фақат ўзимнинг жамоам ҳақида гапириши учун шу ердаман. Бунақа воқеалар билан вазиятни оғирлаштиришнинг кераги йўқ. Мени фақат олдиндаги учрашув натижаси қизиқтиради, - деди Зидан.

Давид Алаба “Бавария”даги узоқ фаолиятидан сўнг, янги шартнома бўйича келишувга эриша олмади. Аввалроқ, Зинедин Зидан австриялик ҳимоячига қўнғироқ қилиб, ўз жамоасига таклиф қилгани ҳақида хабарлар тарқатилган эди.