Зидан "Челси"ни бошқара олмайди. Унинг собиқ жамоадоши бунинг сабабини айтди

"Челси"нинг собиқ футболчиси Эмманюэль Пети “аристократлар” бош мураббийлигига Зинедин Зиданнинг таклиф қилиниши мумкинлиги ҳақидаги хабарларга муносабат билдирди.

Айтиш керакки, Грем Поттер бошқарувидаги “Челси” Премьер-лига турнир жадвалида 10-ўринни эгаллаб турибди.

"Зидан инглиз тилини билмайди, шу боис у "Челси" учун энг яхши танлов эмас. Собиқ жамоадошимга ҳурмат сақлаган ҳолда гапиряпман.

Поттер сентябрь ойидан бери ишламоқда ва сиз уни ишдан бўшатмоқчимисиз? “Челси”да ҳали ҳам Чемпионлар лигасини ютиш имконияти бор. Поттер ишдан бўшатилиши билан янги мураббий муҳитга мослашиши керак бўлади. Бу ҳолат бир неча ҳафта давом этиши мумкин. Мен ҳозир Поттерга ҳукм ўқимаган бўлардим”, - деди Петит football.london нашрига.