Зидан Мбаппега устозлик қилишдан бош тортди

“Реал”дан кетганидан бери ишсиз юрган Зинедин Зиданга ПСЖдан жиддий таклиф бўлмоқда.

Қатарлик инвесторлар Париж клубини Чемпионлар лигасида ғалаба қозониш бўйича мутахассис ҳисобланган Зинедин Зидан бошқаришини истамоқда. Франциялик мураббий қисқа фаолияти давомида “Реал” билан уч бора қитъанинг энг нуфузли совринини қўлга киритган.

Сўнгги маълумотларга қараганда, Зидан яна бир бор ПСЖни бошқариш таклифини қабул қилмади. У Франция терма жамоасига устозлик қилишни режалаштирган.

Франция футболф едерацияси 2022 йилнинг охирида Қатарда бўладиган жаҳон чемпионатидан кейин ҳозирги бош мураббий Дидье Дешамп ўрнига Зиданни олиб келиши кутилмоқда.