Зидан тез орада мураббийликка қайтади

Афсонавий собиқ футболчи Зинедин Зидан тез орада мураббийликка қайтиши ва ҳозирда бунга тайёргарлик кўраётганини айтди.

“Мен тез орада қайтаман. Бир оз кутинг. Тез орада. Қайта мураббий бўлишимга кўп вақт қолмади", - деди Зидан "RMC Sport" нашрига.

50 ёшли Зидан 2016—2018 йиллар ҳамда 2019 йилнинг баҳоридан 2021 йилнинг ёзига қадар "Реал" бош мураббийи бўлиб ишлади. Олдинроқ ОАВда Зинедин Қатардаги жаҳон чемпионатидан кейин Франция терма жамоасини бошқариши мумкинлиги ҳақида хабарлар тарқалган эди.