Зидан ёзда собиқ клубларида иш бошлаши мумкин

Зинедин Зидан ёзда "Реал Мадрид" ёки "Ювентус"да бош мураббийлик бўйича иш бошлаши мумкин. 
 
"Ювентус"да мураббийлик қилаётган Тьяго Моттанинг ишлари сўнгги учрашувларда ўхшамаяпти. Бу эса натижага катта таъсир ўтказмоқда. "Қироллик клуби" устози ҳисобланган Карло Анчелоттининг ҳам ёзда жамоани тарк этиши ҳақидаги миш-мишлар кўпайиб бораётган эди. 
 
"Gazzetta dello Sport" нашрининг хабарига кўра, франциялик мураббий ҳисобланган Зидан ёзги трансферлар ойнасида яна ишга қайтишни режалаштирмоқда. Агарда қайтадиган бўлса, туринликлар ва мадридликлар мутахассис учун таклиф билан чиқишга тайёр.