Azar qishda "Chelsi"dan ketmasligini aytdi

Londonning "Chelsi" klubi vingeri Eden Azar yaqin vaqt ichida jamoadan ketishi mumkinligini inkor etdi.  Bu haqda Le 10 Sport nashri xabar bermoqda.

Hususan 27 yoshli belgiyalik futbolchi jurnalistlarning bu haqdagi savoliga quyidagicha javob qaytardi: “Qishda boshqa jamoaga o‘tishning imkoni yo‘q”.

Ma’lumot uchun, Azar joriy mavsum “Chelsi” safida jami 10ta o‘yinda maydonga tushib, raqiblari darvozasiga 8ta gol hamda 3ta golli uzatma yozdirib qo‘yishga erishgan.

Eslatib o‘tamiz, Azarga Madridning "Real" klubidan jiddiy qiziqishlar bo‘lmoqda.