Bokschi qizlarimiz xalqaro turnirda bitta oltin medalni qo‘lga kiritdi

Joriy yilning 30 noyabr – 4 dekabr kunlari Almata shahrida boks bo‘yicha 2000-2001 yillarda tug‘ilgan qizlar o‘rtasida Qozog‘istonda xizmat ko‘rsatgan murabbiy Mengerey Xayrutdinov xotirasiga bag‘ishlangan xalqaro turnir bo‘lib o‘tdi.

Ushbu musobaqada yurtimiz sharafini 4 nafar bokschi – Sitora Shog‘darova (51 kg), Xursandoy Xolmatova (51 kg), Maftuna Fayzullaeva (54 kg) va Mahliyo Rahimova (64 kg)himoya qildi.

Turnir yakunlariga ko‘ra, terma jamoamiz vakilalari 1 oltin medalni qo‘lga kiritishdi. Xursandoy Xolmatova barcha raqibalaridan ustun keldi va finalda mezbonlar vakilasi Anar Kojani mag‘lub qildi. Shuningdek, Sitora Shog‘darova turnirning chorak finaliga qadar etib kelgan.