"Chelsi" Fabregasni qanchaga sotmoqchi?

Londonning "Chelsi" klubi o‘zining ispaniyalik yarim himoyachisi Sesk Fabregasning transfer narxini e’lon qildi.

The Mirror nashri tarqatgan xabarga ko‘ra “aristokratlar” 31 yoshli ispaniyalik futbolchining transferidan 12 mln evro ishlab olishmoqchi. Eslatib o‘tamiz, Fabregas uchun asosiy da’vogar sifatida “Monako” klubi e’tirof etilmoqda.

Ma’lumot uchun, Fabregas joriy mavsum “Chelsi” safida jami 16ta o‘yinda ishtirok etdi va o‘z hisobiga 1ta gol va 2ta golli uzatma yozdirib qo‘yishga erishdi.