Klichko Meyvezer – Makgregor jangida ekspert bo‘lib ish olib boradi

Og‘ir vazn toifasining sobiq jahon chempioni Vladimir Klichko amerikalik Floyd Meyvezer va irlandiyalik Konor Makgregor o‘rtasidagi jangda nemis telekanalida ekspert sifatida ishlaydi.

– Qadrli muxlislarim. 26 avgustdan 27 avgustga o‘tar kechasi juda yaqin. Las-Vegasda ko‘pchilik orziqib kutayotgan Meyvezer – Makgregor jangi bo‘lib o‘tadi. Men ushbu to‘qnashuvda ekspert sifatida ish olib boraman. Agar muxlislarim bu jangni ko‘rishsa, xursand bo‘lardim, – deydi Klichko Lastround nashriga.

Floyd Meyvezer va MMA yulduzi Konor Makgregor qarama-qarshiligi 26 avgust kuni Las-Vegasdagi “T-Mobile” arenasida bo‘lib o‘tadi.

• Katta Floyd Meyvezer Makgregorni sudga beraman deya qo‘rqitmoqda