Lennoks Lyuis: Fyuri Joshua va Uaylderga qaraganda xavfliroq bokschi

Og‘ir vazn toifasining sobiq jahon chempioni Lennoks Lyuis Tayson Fyuri mag‘lub qilish Deontey Uaylder va Entoni Joshuadan qiyinroq ekanligini aytib o‘tdi.

– Har birining o‘z uslubi bor. Ular har xil toifadagi bokschi. Shuning uchun men ularning bir-birlari bilan janglari bo‘lishini istardim. Bu xuddi bizning oltin davrimizga o‘xshaydi.

– O‘ylaymanki, qiziqarli janglar bo‘ladi. Joshua juda xavfli. Uning o‘ng qo‘lda kuchli zarbasi bor. Uaylderda esa undanda xavfliroq zarba. Shuningdek, u Joshuadan tezkorroq. Biroq ularning Tayson Fyurini yutishini aytish qiyin. U jismonan ancha o‘sgan va bo‘yi ham baland. Uzun qo‘llarga ega. Bu bokschida boshqalarga noqulay uslub mavjud. Ularning har biriga alohida tayyorgarlik ko‘rish zarur, – deydi Lyuis.

Eslatib o‘tamiz, Tayson Fyuri tez orada Deontey Uaylder bilan uchrashishi mumkin.