O‘zbekistonning eng kuchli bokschilari aniqlandi

Toshkent shahridagi Respublika Olimpiya zaxiralari kollejida boks bo‘yicha 2000-2001 yillarda tug‘ilgan sportchilar o‘rtasida O‘zbekiston chempionati o‘tkazildi.

O‘zbekiston respublikasi jismoniy tarbiya va sport vazirligining taqvim rejasiga muvofik mamlakatimiz terma jamoasi uchun munosib o‘rindoshlarni saralash maqsadida o‘tkazilgan chempionatda Respublikamizning barcha viloyatlaridan jami 220 charm qo‘lqop ustalari g‘oliblik uchun o‘zaroa raqobatlashdii.

Yakunda umumjamoa hisobida Andijon jamoasi birinchi, Buxoro va Farg‘ona viloyatlari esa ikkinchi hamda uchinchich o‘rinni egalladi. Musobaqa g‘olib va sovrindorlari O‘zbekiston boks federatsiyasi va bir qator tashkilotlar tomonidan esdalik sovg‘alari hamda diplom bilan taqdirlarndi.