PSJ o‘z safiga MLS yulduzlaridan birini qo‘shib oladi

AQShning "Di Si Yunayted" klubi xavbeki Lusiano Akosta faoliyatini Frantsiyada davom ettirishi mumkin.

Sky Sports tarqatgan xabarga ko‘ra 24 yoshli argentinalik futbolchiga PSJdan jiddiy qiziqishlar paydo bo‘la boshladi. Ma’lumotlarga qaraganda Akosta tibbiy ko‘rikdan o‘tish uchun allaqachon Parijga etib kelgan. Uning transferi esa 9 mln evroga baholanmoqda.

Ma’lumot uchun, Akosta yakunlangan mavsum MLSda jami 34ta o‘yinda maydonga tushdi va o‘z hisobiga 10ta gol hamda 15ta golli uzatma yozdirib qo‘yishga erishdi.