Riberi: "Bavariya"ga yana qaytaman

Myunxenning “Bavariya” klubi yarim himoyachisi Frank Riberi kelajakda ushbu jamoaga albatta qaytishi haqida gapirdi.

“Bavariya” – mening oilam. Men o‘z tariximni aynan shu erda yozdim. Agar klub joriy mavsum chempionlikni qo‘lga kiritsa, u holda men 9 karra Bundesliga chempioni bo‘lgan “Bavariya” tarixidagi birinchi futbolchiga aylanaman.

Agar men “Bavariya”dan ketsam, albatta yana bu erga qaytaman. Biroq, boshqa rolda. Bu narsa xatto shartnomamda ham yozilgan”, - deydi frantsiyalik futbolchi.

Ma’lumot uchun, Riberi “Bavariya” sharafini 2007 yildan buyon himoya qilib kelmoqda. U o‘tgan davr mobaynida jami 411ta o‘yinda maydonga tushdi va o‘z hisobiga 122ta gol hamda 180ta golli uzatma yozdirib qo‘yishga erishdi. Uning amaldagi shartnomasi esa joriy mavsum yakunida o‘z nihoyasiga etadi.