Rus klubi Eron terma jamoasi yulduzini 15 mln evroga baholamoqda

Qozonning “Rubin” klubi o‘zining eronlik hujumchis  Sardor Azmunni qanchaga sotishini ma’lum qildi.

Unga ko‘ra premer-liga jamoasi 23 yoshli futbolchini 15 mln evrodan kamiga qo‘yib yubormaydi. Qayd etish lozimki, Azmun uchun ayni damda Germaniya va Angliya klublaridan jiddiy qiziqishlar bo‘lmoqda.

Ma’lumot uchun, Azmun joriy mavsum “Rubin” safida jami 17ta o‘yinda maydonga tushdi va o‘z hisobiga 5ta gol hamda 4ta golli uzatma yozdirib qo‘yishga erishdi.