Terri Anri frantsuz klubini boshqarishi mumkin

Frantsiyalik sobiq futbol yulduzi Terri Anri o‘zining alohida murabbiylik faoliyatini boshlashi mumkin.

Sky Sports nashri tarqatgan xabarga ko‘ra uning vakillari “Bordo” klubi bilan muzokaralarni boshlab yuborishgan. Eslatib o‘tish lozimki, frantsuz klubi bundan avval rahbariyatni keskin tanqid qilgani uchun bosh murabbiy Gustavo Poyetni o‘z lavozimidan ozod etgan edi.

Eslatib o‘tamiz, Anri ayni damda Belgiya terma jamoasi murabbiylar shtabida Roberto Martinesga assistentlik qilmoqda.