A Seriya. "Napoli" so‘nggi daqiqalarda g‘alabani ilib ketdi

Ferrara shahridagi "Paolo Matstsa" stadionida kechgan uchrashuvda mehmonlar 2:1 hisobida zafar quchishdi. 49-daqiqada Allan hisobni ochdi. 83-daqiqada esa Petanya penaltini aniq amalga oshirib, muvozanat tikladi. Biroq oradan 2 daqiqa o‘tib Mariu Riu neapolliklarga 3 ochko keltiruvchi golni kiritdi.

Shu tariqa Karlo Anchelotti shogirdlari hisobidagi ochkolar soni 76 taga etdi va jamoa turnir jadvalida 2-o‘rinda bormoqda.