Abramov boshchiligidagi "Dinamo" qirg‘iz klubini yoshlardan iborat tarkib bilan mag‘lub etdi!

O‘rtoqlik o‘yini doirasidagi ikkinchi o‘yinida ham "Dinamo" qirg‘iz klubini mag‘lub etdi. Bu haqda klub matbuot xizmati xabar berdi. 

"Dinamo" jamoasi Issiqko‘ldagi yig‘in doirasida O‘shning "OshMU-Aldier" jamoasiga qarshi ikkinchi o‘yinini o‘tkazdi.

Bu bahsda Vadim Abramov asosan yoshlardan iborat tarkibni maydonga tushirdi. Shunga qaramay, "arslonlar" bu bahsda ham "OshMU-Aldier"ni taslim eta oldi.

Abubakir Mo‘ydinov hisobni ochgan bo‘lsa, Elnur Saitmurotov va Valeriy Akopov hisobni 3:1 ga etkazdi. Mehmonlardan yagona gol Akmal Yo‘ldoshev nomiga yozildi", - deyiladi xabarda.

18 iyul (seshanba), O‘rtoqlik o‘yini. Issiqko‘l.

"Dinamo" - "OshMU-Aldier" - 3:1.

Gollar: Abubakir Mo‘ydinov 47, Elnur Saitmurotov 62, Valeriy Akopov 69 penalti – Akmal Yo‘ldoshev 50.