Aholisi yarim milliondan ortiqroq bo‘lgan Lyuksemburg terma jamoasi a’zosi endi APLda o‘ynaydi

Lyuksemburg terma jamoasi yarim himoyachisi Danel Sinani faoliyatini Angliya premer-ligasida davom ettiradigan bo‘ldi.

Aniqrog‘i, 23 yoshli futbolchi “Norvich” klubi bilan shartnoma imzoladi. Kelishuv esa 2023 yilga qadar tuzilgan.

Endi Sinani yangi jamoasi safiga 2020/21 yilgi mavsum boshlanishidan avval erkin agent sifatida borib qo‘shiladi.

Sinani joriy mavsum “Dyudelanj” klubi tarkibida Lyuksemburg chempionatida 17 ta o‘yinda maydonga tushdi va raqiblari darvozasiga 14 ta gol urishga erishdi.