Anchelotti A Seriya klubini boshqarishga asosiy nomzod

Italiyaning "Piza" klubi rahbariyati jamoa bosh murabbiyligiga Davide Anchelotti nomzodini jiddiy ko‘rib chiqmoqda. Karlo Anchelottining o‘g‘li klubdagi mavqei o‘ta beqaror bo‘lib qolayotgan Alberto Jilardino o‘rniga asosiy da’vogarlardan biri hisoblanadi. Bu haqda La Gazzetta dello Sport nashri xabar bermoqda.

Manbaga ko‘ra, klub nostandart echim izlamoqda va taniqli familiyaga ega yosh mutaxassisga pul tikishga tayyor. Davide Anchelotti yaqinda "Botafogo" bilan birinchi mustaqil tajribaga ega bo‘ldi, u bilan Braziliya chempionatida oltinchi o‘rinni egalladi va jamoani Libertadores kubogi saralash bosqichiga olib chiqdi, shundan so‘ng iste’foga chiqarildi.

Bungacha Anchelotti ko‘p yillar davomida otasining murabbiylar shtabida bo‘lib,  "Real", "Bavariya", "Napoli" va "Everton" klublarida ishlagan.