Andijonda taekvondo bo‘yicha respublika ochiq chempionati bo‘lib o‘tdi

Kecha Andijon viloyati Xo‘jaobod tumani Bolalar-o‘smirlar sport maktabida Taekvondo bo‘yicha respublika ochiq chempionati o‘tkazildi.

Musobaqada mamlakatimizning turli xududlaridan tashrif buyurgan 100 nafarga yaqin sportchi ishtirok etdi. Yakuniy natijalarga ko‘ra umumjamoa hisobida Xo‘jaobod tumani 1-o‘rinni qo‘lga kiritdi, 2-o‘rin Toshkent viloyati, 3-o‘rin esa Qorasuv tumani taekvondochilari egallashdi.

Musobaqa g‘olib va sovrindorlari Xo‘jaobod tuman hokimligi hamda Andijon viloyat jismoniy tarbiya va sport boshqarmasi tomonidan maxsus diplom va esdalik sovg‘alari bilan taqdirlanishdi.