Bahodir Jalolov faoliyatidagi dastlabki kamarni qo‘lga kiritdi

Toshkent vaqti bilan bugun tongda, AQShda hamyurtimiz Bahodir Jalolov “NABF Junior Heavyweight Title” kamari uchun amerikalik Brendan Barretga qarshi jang qildi.

Mazkur jangning ilk raundidayoq hamyurtimiz raqibni texnik nokautga uchratdi va profi boksdagi dastlabki kamarini qo‘lga kiritdi.

Ma’lumot uchun, Barret shu paytgacha 11 marta jang olib borgan bo‘lib, 7 bor g‘alaba qozongan, shuningdek, uning hisobida 2 tadan mag‘lubiyat va durang ham mavjud edi.

Hamyurtimiz uchun bu oltinchi jang bo‘ldi. Jalolov avvalgi barcha bellashuvlarda muddatidan avval raqiblarini er tishlatgan. .