“Barsa” asosiy tarkibning yana bir futbolchisidan voz kechdi

“Barselona”ning frantsiyalik himoyachisi Kleman Langle faoliyatini Angliya premer-ligasida davom ettirishga tayyorlanmoqda.

Ma’lumotlarga qaraganda, kataloniyaliklar uni keyinchalik sotib olish huquqi bilan bir mavsumga ijaraga jo‘natadi.

Bu xabarni tarqatgan manba, Angliyada Langleni olayotgan klub nomini keltirmayotgan bo‘lsa-da, 26 yoshli himoyachi “Everton” safiga qo‘shilishi kutilmoqda. Chunki liverpulliklar anchadan beri bu o‘yinchiga ko‘z tikmoqda.

Langle o‘tgan mavsumda La Ligada 33 ta uchrashuvda maydonga tushib, bitta gol urishga ham muvaffaq bo‘lgandi.