“Barsa”: Boy berilgan yulduzlar

“Milan” va “Barselona”ning sobiq direktori Aredo Brayda kataloniyaliklarga kimlarni olishni maslahat berganini aytdi.

- Men futbolchilarning imkoniyatlarini chuqur o‘rganib chiqdim va ulardan bir nechtasini “Barselona”ga tavsiya qildim. Men ularga Erling Xoland “Rusenborg”da o‘ynab yurganida uni olish kerakligini aytganman. Ular rad etishdi.

Italiyadagi futbolchilardan ham bir nechtasini tavsiya qildim. Ular orasida Barella va Dzanolo bor edi. Pogba bo‘yicha “Yuventus” bilan gaplashgan edik. Lekin meni muzokaralardan chetlatishdi va transferlar masalasi bilan boshqa odamlar shug‘ullana boshladi, - deydi Aredo Brayda.