“Barsa” “Real”ga gol urgan futbolchi bilan shartnoma imzoladi

“Barselona” rasmiy saytida jamoa himoyachisi Oskar Mingeza bilan yangi shartnoma imzolaganini e’lon qildi.

Unga ko‘ra, 21 yoshli ispaniyalik futbolchi 2023 yilning yarmigacha Kataloniyada to‘p tepadi.

Mingeza “Barselona” klubi tarbiyalanuvchisi hisoblanadi va 2018 yildan beri asosiy tarkib a’zosi sifatida o‘ynamoqda. Joriy mavsumda Mingeza primerada 24 ta uchrashuvda maydonga tushdi va ikkita gol urib, ikkita golli pas uzatdi.

Oskar gollardan birini kataloniyaliklarning ashaddiy raqibi – “Real” darvozasiga kiritdi.