"Barselona" eng qimmat futbolchilaridan birini "Arsenal"ga ijaraga yuboradi

"Arsenal" braziliyalik yarim himoyachi Filippe Koutinoning ijarasi bo‘yicha "Barselona" bilan muzokara o‘tkazmoqda.

Agar klublar kelishuvga erisha olishsa, 28 yoshli futbolchining maoshi ikkala klub o‘rtasida teng taqsimlanadi, deya xabar bermoqda Kataloniyaning mashhur RAC1 nashri.

Mavsumni "Bavariya"da ijarada o‘tkazgan Koutino Bundesligada 23 ta o‘yinda maydonga tushib, 8 ta gol va 6 ta golli uzatma muallifi bo‘ldi.