"Barselona" Vidal masalasida bir qarorga keldi

Kataloniyaning "Barselona" klubi yarim himoyachisi Arturo Vidal joriy qishki transferlar davrida jamoani tark etmaydi.

Corriere della Sera nashri tarqatgan xabarga ko‘ra “ko‘k-anor ranglilar” chililik futbolchini kamida masum yakunlangunicha tarkibda olib qolishmoqchi.

Eslatib o‘tamiz, bundan avvalroq Vidalga Milanning “Inter” klubidan jiddiy qiziqishlar bo‘layotgani haqida xabarlar tarqalgan edi.

Ma’lumot uchun, Vidalning kataloniyaliklar bilan amaldagi shartnomasi 2021 yilga qadar imzolangan. U joriy mavsum 11 ta o‘yinda maydonga tushdi va 3 ta gol hamda 1 ta golli uzatmaga mualliflik qildi.