Bir nechta hakam chetlatildi, ular orasida "Nasaf" - "Lokomotiv" o‘yinida ishlagan referi ham bor

  • 15 sentabr, 2022, 10:56
  • Javokhir Azimov
  • 4
  • Futbol
CHERY AUTO

O‘zbekiston futbol assotsiatsiyasi Hakamlar qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi hakamlar harakatlari ko‘rib chiqildi.

“So‘g‘diyona” – “Qizilqum” (O‘zbekiston Kubogi 1/4 final)

2022 yil 2 sentyabr kuni O‘zbekiston Kubogi 1/4 final “So‘g‘diyona” – “Qizilqum” uchrashuvning bosh hakami Shavkat Nasibullaev va zaxira hakami Ravshan Abduvohidov uchrashuv yakunidan so‘ng nazoratchi tomonidan qoniqarsiz bahoga loyiq ko‘rilgan.

Hakamlar qo‘mitasi qaroriga ko‘ra:
Shavkat Nasibullaevga nisbatan Superliga va O‘zbekiston Kubogi uchrashuvlaridan 4 ta o‘yinga chetlashtirish (diskvalifikatsiya) va jarima intizom chorasi;
Ravshan Abduvoxidovga intizom kodeksining 2.3 bo‘limning 1-bandiga asosan takroriy past natija qayd etgani uchun Superliga va O‘zbekiston Kubogi uchrashuvlaridan 3 ta o‘yinga chetlashtirish (diskvalifikatsiya) va jarima intizom chorasi qo‘llanildi.


“Nasaf” – “Lokomotiv” (O‘zbekiston 1/4 final)

2022 yil 3 sentyabr kuni O‘zbekiston Kubogi 1/4 final “Nasaf” – “Lokomotiv” uchrashuvning hakamlari G‘ayrat Jo‘raev, Sanjar Shoyusupov, Alisher Usmonov, Abdurashid Xudoyberganov uchrashuvida xato va kamchiliklar kuzatilgan bo‘lsada, nazoratchi Zokir Qodirov tomonidan bosh hakam va zaxira hakamiga past baho, biroq yordamchi hakamlar baholari ko‘tarib ko‘rsatilgan. Ekspert hakamlar komissiyasi talabiga ko‘ra mazkur holat bo‘yicha tegishli chora ko‘rish so‘ralgani tufayli hakamlar qo‘mitasi tomonidan holat atroflicha muhokama qilindi va tegishli qaror chiqarildi.

Unga ko‘ra:
G‘ayrat Jo‘raevga nisbatan intizom kodeksining 2.3 bo‘limning 1-bandiga asosan takroriy past natija qayd etgani uchun Superliga va O‘zbekiston Kubogi uchrashuvlaridan 3 ta o‘yinga chetlashtirish (diskvalifikasiya) va jarima intizom chorasi;
Sanjar Shoyusupovga nisbatan ogohlantirish va jarima intizom chorasi;
Alisher Usmonovga nisbatan ogohlantirish va jarima intizom chorasi;
Abdurashid Xudoyberganovga nisbatan ogohlantirish va jarima intizom chorasi;
Zokir Qodirovga nisbatan ogohlantirish va jarima intizom chorasi qo‘llanilsin.


“Bunyodkor” – “Neftchi” (O‘zbekiston Superligasining 18-turi)

2022 yil 8 sentyabr kuni Superliganing 18-turi doirasidan o‘rin olgan “Bunyodkor – “Neftchi” uchrashuvning bosh hakam Aziz Asimov va yordamchi hakami Artyom Kalinin uchrashuv yakunidan so‘ng nazoratchi tomonidan qoniqarsiz bahoga loyiq ko‘rilgan.

Hakamlar qo‘mitasi qaroriga ko‘ra:
Aziz Asimovga nisbatan ogohlantirish intizom chorasi;
Artyom Kalininga nisbatan 2 ta o‘yinga chetlashtirish (diskvalifikatsiya) va jarima intizom chorasi qo‘llanildi.

O‘zFHM matbuot xizmati

Fikrlar

Fikr qoldirish uchun avtorizatsiyadan o'ting!
Husanov Zuhriddin
15/09/2022 11:57
Hammasi togri
&
Турсунов Рамазон
15/09/2022 20:52
Азим Асимовни хам четлатиш керак эди.Изи кучлига ухшайди .Уни узи футболдан йукотиш керак.
&
Олға насаф
15/09/2022 14:19
Асимовни умуман футболдан четлатиш керак
Ishoq Ruziev
15/09/2022 12:51
Asimov balo bo'ldida