Boks bo‘yicha O‘zbekiston va Eron terma jamoalari qo‘shma o‘quv yig‘in mashg‘ulotlarni boshladi (video)

1-10 aprel kunlari Yangiobod sport bazasida O‘zbekiston va Eron boks terma jamoalari qo‘shma o‘quv yig‘in mashg‘ulotlarini olib boradi. Eron terma jamoasi bosh murabbiyi Alireza Esteki 13 nafar bokschilar bilan xalqaro yig‘in uchun etib kelgan. Jamoa tarkibida jahon chempionati medalini qo‘lga kiritgan eronlik ilk bokschi Daniyal Shahbaxsh, Olimpiada o‘yinlari ishtirokchisi Seed Mousavi ham o‘rin olgan. O‘zbekiston esa ushbu yig‘inga turli 70 nafar bokschini jalb qilgan. Ushbu yig‘in har ikkala jamoa uchun Osiyo o‘yinlari oldidan muhim tayyorgarlik bosqichini o‘tab beradi.