Braziliyadagi futbol uchrashuvi mushtlashuv bilan tugadi

 

Braziliya chempionatining "S" seriyasida "Gama" va "Brazilense" o‘rtasidagi uchrashuv futbolchilar, murabbiylar va muxlislarning o‘zaro mushtlashuvi tufayli oxiriga etmay qoldi.

Uchrashuv 1:1 hisobi bilan davom etayotgan edi. 89-daqiqada ikki tomon futbolchilari murabbiylar shtabi bilan janjallasha boshladi. Dahanaki jang mushtlashuvga o‘tib ketdi. Janjalga qiziqqon muxlislar ham qo‘shildi.

Uchrashuv hakami Almir Kamargo 89-daqiqada o‘yinni to‘xtatishga majbur bo‘ldi. Politsiya xodimlari janjalni to‘xtatish uchun ko‘zni achishtiruchi gazni ishga solishga majbur bo‘ldi.

SPORTS.uz